"Arsenal" APLning 7-turida "Bornmut"ni mehmonda mag‘lub etdi - 4:0.
Uchrashuvda 17-daqiqada London jamoasi yarim himoyachisi Bukayo Saka hisobni ochdi. 44-daqiqada Martin Edegor penaltini golga aylantirdi, 53-daqiqada Kay Xaverts ham 11 metrlik nuqtadan gol urdi, 93-daqiqada Ben Uayt yakuniy hisobni o‘rnatdi.
Mikel Arteta shogirdlari joriy mavsumda 10 ta o‘yinda hali mag‘lubiyat alamini totib ko‘rmadi – 7 ta g‘alaba va 3 ta durang (Superkubokda “Man Siti”ni penaltilar seriyasida mag‘lub etishdi).
“Arsenal” 17 ochko jamg‘argan va “Manchester Siti”dan bir ochko ortda qolgan holda turnir jadvalida ikkinchi o‘rinda bormoqda.
