"Арсенал" АПЛнинг 7-турида "Борнмут"ни меҳмонда мағлуб этди - 4:0.

Учрашувда 17-дақиқада Лондон жамоаси ярим ҳимоячиси Букайо Сака ҳисобни очди. 44-дақиқада Мартин Эдегор пенальтини голга айлантирди, 53-дақиқада Кай Хавертц ҳам 11 метрлик нуқтадан гол урди, 93-дақиқада Бен Уайт якуний ҳисобни ўрнатди.

Микель Артета шогирдлари жорий мавсумда 10 та ўйинда ҳали мағлубият аламини тотиб кўрмади – 7 та ғалаба ва 3 та дуранг (Суперкубокда “Ман Сити”ни пенальтилар сериясида мағлуб этишди).

“Арсенал” 17 очко жамғарган ва “Манчестер Сити”дан бир очко ортда қолган ҳолда турнир жадвалида иккинчи ўринда бормоқда.