Huquqlari «Korintians»ga tegishli bo‘lgan yarim himoyachi Gabriel Moskardo Ispaniya top-klubiga o‘tishi mumkin.

Bu haqda Sports.es nashri jurnalistlari xabar bermoqda.

Manbaga ko‘ra, «Barselona» vakillari «Korintians» rahbariyati bilan bog‘lanib, ehtimoliy kelishuvni muhokama qilishmoqda.

Gabrielga Kataloniya grandidan tashqari Londonning «Chelsi» klubi ham da’vogarlik qilmoqda. «Aristokratlar» futbolchi uchun 21 million yevro taklif qilishdi, ammo muzokaralar boshi berk ko‘chaga kirib qoldi.

«Barselona» sakkiz turdan keyin La Liga turnir jadvalida ikkinchi o‘rinda bormoqda. Kataloniyaliklar Chempionlar ligasi doirasidagi navbatdagi o‘yinini «Portu»ga qarshi o‘tkazadi.