Ҳуқуқлари «Коринтианс»га тегишли бўлган ярим ҳимоячи Габриэль Москардо Испания топ-клубига ўтиши мумкин.
Бу ҳақда Sports.es нашри журналистлари хабар бермоқда.
Манбага кўра, «Барселона» вакиллари «Коринтианс» раҳбарияти билан боғланиб, эҳтимолий келишувни муҳокама қилишмоқда.
Габриэлга Каталония грандидан ташқари Лондоннинг «Челси» клуби ҳам даъвогарлик қилмоқда. «Аристократлар» футболчи учун 21 миллион евро таклиф қилишди, аммо музокаралар боши берк кўчага кириб қолди.
«Барселона» саккиз турдан кейин Ла Лига турнир жадвалида иккинчи ўринда бормоқда. Каталонияликлар Чемпионлар лигаси доирасидаги навбатдаги ўйинини «Порту»га қарши ўтказади.