Yaqin orada Jerom Boateng yana "Bavariya" libosini kiyishi mumkin.
Biroq Sky nashrining xabar berishicha, oktyabr oyining birinchi kunida futbolchi va klub o‘rtasida qisqa muddatli shartnoma imzolanmaydi. Oldinda muhokama va muzokaralarning yangi bosqichi turibdi.
Manbaga ko‘ra, "Bavariya" rahbarlari 35 yoshli Boateng bilan shartnoma imzolash tanqidlarga sabab bo‘lishini bilishadi. Ayni paytda myunxenliklar rahbariyati tajribali himoyachi jamoani kuchaytirishiga ishonch bildirmoqda.
Jerom Boateng 2011-2021 yillarda "Bavariya"da o‘ynagan. Himoyachi "Lion"ni tark etganidan so‘ng yozdan beri erkin agent bo‘lib kelmoqda.