FIFA qanot hujumchisi Ernest Nuamaning "Lion"ga o‘tishini tekshiradi, deb xabar beradi L'Equipe.
Manbaning xabariga ko‘ra, tergov Fransiyaning bir necha klublari so‘roviga javoban boshlanadi.
Yozgi transfer oynasida 19 yoshli ganalik vinger Daniyaning "Norsheland" klubidan Belgiyaning "Molenbek" klubiga 25 million yevro evaziga o‘tgandi. Bu kelishuv Belgiya chempionati uchun rekord bo‘ldi. Transferdan so‘ng darhol Nuama "Lion"ga ijaraga berildi.
"Molenbek" va "Lion"ning egasi bir - Eagle Football.
Joriy mavsumda Nuama “Lion” safida 4ta o‘yin o‘tkazib, birorta ham gol urmagan.