ФИФА қанот ҳужумчиси Эрнест Нуаманинг "Лион"га ўтишини текширади, деб хабар беради L'Equipe.
Манбанинг хабарига кўра, тергов Франциянинг бир неча клублари сўровига жавобан бошланади.
Ёзги трансфер ойнасида 19 ёшли ганалик вингер Даниянинг "Норшеланд" клубидан Бельгиянинг "Моленбек" клубига 25 миллион евро эвазига ўтганди. Бу келишув Бельгия чемпионати учун рекорд бўлди. Трансфердан сўнг дарҳол Нуама "Лион"га ижарага берилди.
"Моленбек" ва "Лион"нинг эгаси бир - Eagle Football.
Жорий мавсумда Нуама “Лион” сафида 4та ўйин ўтказиб, бирорта ҳам гол урмаган.