Italiya A Seriyasining 7-turidan o‘rin olgan o‘yinlar 1-oktyabr, yakshanba kuni bo‘lib o‘tdi.

“Roma” o‘z maydonida “Frozinone”ga qarshi bahs olib bordi. O‘yinning dastlabki daqiqalarida rimliklar ustunlik qildi va 21-daqiqada hisobni ochishga muvaffaq bo‘ldi. Belgiyalik hujumchi Romelu Lukaku raqib darvozasini ishg‘ol qildi.

Ikkinchi bo‘limda ham xavfli vaziyatlar bo‘ldi. 83-daqiqaga kelib, darvoza tomon yo‘l topildi. Bu safar Paulo Dibalaning uzatmasini Lorenso Pellegrini golga aylantirdi. Qolgan daqiqalarda gol urilmadi va “Roma” g‘alabani rasmiylashtirdi.

Joze Mourinyo shogirdlari ochkolari sonini 8 taga yetkazib, 11-o‘ringa ko‘tarilib oldi.

A Seriya, 7-tur
1-oktyabr, yakshanba
“Roma” – “Frozinone” 2:0
Gollar: 1:0 – 21 Lukaku, 2:0 – 83 Pellegrini.
“Roma”: Ruy Patrisiu, Karsdorp (Kristensen, 70), Manchini, Ndika, Kristante, Spinassola, Paredes, Pellegrini (Auar, 85), Bove, Dibala, Lukaku.
“Frozinone”: Turati, Oyono, Romanoli (Breshianini, 19), Okoli, Monterizi, Markissa, Massitelli (Burabiya, 86), Barrenechea (Ibrahimovich, 86), Soule, Chuni (Sheddira, 62), Baes (Kazo, 62).
Ogohlantirishlar: Barrenechea (46), Karsdorp (64), Soule (81).