Italiyalik hujumchi Mario Balotelli yana Turkiyaning “Adana Demirspor” futbolkasida maydonga tushdi va o‘zining birinchi o‘yinida ikkita gol urdi. Bu Turkiya Superligasining 7-turida yuz berdi va uning jamoasi “Alanyaspor”ni 4:0 hisobida mag‘lub etdi. Dastlabki ikkita golga aynan Balotelli mualliflik qildi. Eslatib o‘tamiz, Marioning oldingi klubi Shveysariyaning "Syon"i edi.
Keyingi turda "Adana Demirspor" o‘z maydonida "Trabzonspor" bilan o‘ynaydi, bu 8 oktyabr kuni sodir bo‘ladi. Jamoa ayni damda Turkiya Superligasi turnir jadvalida uchinchi o‘rinda bormoqda.