Италиялик ҳужумчи Марио Балотелли яна Туркиянинг “Адана Демирспор” футболкасида майдонга тушди ва ўзининг биринчи ўйинида иккита гол урди. Бу Туркия Суперлигасининг 7-турида юз берди ва унинг жамоаси “Аланьяспор”ни 4:0 ҳисобида мағлуб этди. Дастлабки иккита голга айнан Балотелли муаллифлик қилди. Эслатиб ўтамиз, Марионинг олдинги клуби Швейцариянинг "Сьон"и эди.
Кейинги турда "Адана Демирспор" ўз майдонида "Трабзонспор" билан ўйнайди, бу 8 октябрь куни содир бўлади. Жамоа айни дамда Туркия Суперлигаси турнир жадвалида учинчи ўринда бормоқда.