"Real Madrid" kelasi yili himoya chizig‘ini jiddiy ravishda kuchaytirishni rejalashtirmoqda.

"Qirollik klubi" yozgi transfer oynasida faqat bitta yuqori darajadagi transfer bilan cheklandi - yarim himoyachi Jud Bellingem 100 million yevrodan ortiq mablag‘ evaziga "Borussiya D"dan xarid qilindi. Jurnalist Ekrem Konurning yozishicha, “Real” “Bavariya”ning chap qanot himoyachisi Alfonso Devisga jiddiy qiziqish bildirmoqda, shuningdek, markaziy himoyachilar Vilyam Saliba (“Arsenal”) va Antoniu Silva (“Benfika”) uchun da’vogarlik qilmoqda. Madridliklar transferlarni yanvarda yoki mavsum oxirida amalga oshirishga harakat qilishi kutilmoqda.

Transfermarkt portali ekspertlari Devisning narxini 70 million yevroga, Salibani 65 millionga, Silvani esa 45 millionga baholamoqda.