"Реал Мадрид" келаси йили ҳимоя чизиғини жиддий равишда кучайтиришни режалаштирмоқда.

"Қироллик клуби" ёзги трансфер ойнасида фақат битта юқори даражадаги трансфер билан чекланди - ярим ҳимоячи Жуд Беллингем 100 миллион евродан ортиқ маблағ эвазига "Боруссия Д"дан харид қилинди. Журналист Экрем Конурнинг ёзишича, “Реал” “Бавария”нинг чап қанот ҳимоячиси Альфонсо Дэвисга жиддий қизиқиш билдирмоқда, шунингдек, марказий ҳимоячилар Вильям Салиба (“Арсенал”) ва Антониу Силва (“Бенфика”) учун даъвогарлик қилмоқда. Мадридликлар трансферларни январда ёки мавсум охирида амалга оширишга ҳаракат қилиши кутилмоқда.

Transfermarkt портали экспертлари Дэвиснинг нархини 70 миллион еврога, Салибани 65 миллионга, Силвани эса 45 миллионга баҳоламоқда.