"Barselona" hujumchisi Robert Levandovski Saudiya Arabistonining bir qancha klublari transfer maqsadiga aylandi, deb xabar bermoqda Diario Sport.
Yozda polshalik hujumchiga 4 ta mahalliy jamoadan taklif bo‘lgan edi, ulardan biri "Abxa" edi, biroq u Kataloniya safida o‘zini qulay his qilgani uchun ularni rad etdi.
Rad etishiga qaramay, Robert saudiyaliklarning kelasi mavsumdagi yirik xaridlari ro‘yxatida qolmoqda.
"Barselona" o‘z navbatida jamoa yetakchilaridan birini saqlab qolmoqchi.
Robert kataloniyaliklar safiga 2022 yilning iyulida "Bavariya"dan 45 million yevro evaziga o‘tgan edi.
O‘tgan mavsumda u klub safida 51 ta o‘yinda maydonga tushib, 31 ta gol va 8 ta golli uzatmani amalga oshirgan. Bu mavsumda u 9 o‘yinda 6 gol va 4 golga assistentlik qildi.
