"Барселона" ҳужумчиси Роберт Левандовски Саудия Арабистонининг бир қанча клублари трансфер мақсадига айланди, деб хабар бермоқда Diario Sport.

Ёзда польшалик ҳужумчига 4 та маҳаллий жамоадан таклиф бўлган эди, улардан бири "Абха" эди, бироқ у Каталония сафида ўзини қулай ҳис қилгани учун уларни рад этди.

Рад этишига қарамай, Роберт саудияликларнинг келаси мавсумдаги йирик харидлари рўйхатида қолмоқда.

"Барселона" ўз навбатида жамоа етакчиларидан бирини сақлаб қолмоқчи.

Роберт каталонияликлар сафига 2022 йилнинг июлида "Бавария"дан 45 миллион евро эвазига ўтган эди.

Ўтган мавсумда у клуб сафида 51 та ўйинда майдонга тушиб, 31 та гол ва 8 та голли узатмани амалга оширган. Бу мавсумда у 9 ўйинда 6 гол ва 4 голга ассистентлик қилди.