Angliya Premyer-ligasining 7-turi doirasida «Fulxem» hamda «Chelsi» jamoalari o‘rtasidagi uchrashuv bo‘lib o‘tdi. Uchrashuv «ko‘klar»ning 2:0 hisobida mehmondagi g‘alabasi bilan yakunlandi. Gollarga Mudrik va Broya mualliflik qildi.
Qayd etish joiz, bu muvaffaqiyat London derbisida «aristokratlar» uchun muhim voqea bo‘ldi. Maurisio Pochettino shogirdlari o‘zlarining 150-g‘alabalarini qo‘lga kiritishdi. Bu ko‘rsatkich bo‘yicha yetakchi «Arsenal» bo‘lib, ularda 151 ta g‘alaba bor.
APLning yetti tur yakunlariga ko‘ra, «Chelsi» sakkiz ochko jamg‘arib, turnir jadvalida 11-o‘rinda bormoqda. Navbatdagi uchrashuvda Pochettino shogirdlari «Byornli» bilan uchrashadi.
