Англия Премьер-лигасининг 7-тури доирасида «Фулхэм» ҳамда «Челси» жамоалари ўртасидаги учрашув бўлиб ўтди. Учрашув «кўклар»нинг 2:0 ҳисобида меҳмондаги ғалабаси билан якунланди. Голларга Мудрик ва Броя муаллифлик қилди.
Қайд этиш жоиз, бу муваффақият Лондон дербисида «аристократлар» учун муҳим воқеа бўлди. Маурисио Почеттино шогирдлари ўзларининг 150-ғалабаларини қўлга киритишди. Бу кўрсаткич бўйича етакчи «Арсенал» бўлиб, уларда 151 та ғалаба бор.
АПЛнинг етти тур якунларига кўра, «Челси» саккиз очко жамғариб, турнир жадвалида 11-ўринда бормоқда. Навбатдаги учрашувда Почеттино шогирдлари «Бёрнли» билан учрашади.
