Leverkuzenning «Bayer» klubi himoyachi Jeremi Frimpong bilan shartnomani 2028 yilning yoziga qadar uzaytirdi, deb xabar bermoqda nemis klubi matbuot xizmati.

22 yoshli gollandiyalik futbolchi 2021 yilning yanvarida Shotlandiyaning «Seltik» klubidan 11 million yevro evaziga «Bayer»ga o‘tgan edi.

«Manchester Siti» akademiyasi bitiruvchisi nemis klubi safida barcha turnirlarda 103 ta o‘yin o‘tkazishga muvaffaq bo‘lgan va bu o‘yinlarda u 13 ta gol va jamoadoshlariga 23 ta golli uzatmani amalga oshirgan.

Eslatib o‘tamiz, Bundesliganing 6 turidan so‘ng Xabi shogirdlari turnir jadvalida yakka peshqadam bo‘lib turibdi.