"Real" himoyachisi Lukas Vaskesning kelajagi noma’lum. 32 yoshli futbolchining amaldagi shartnomasi 2024 yilning iyun oyi oxirida tugaydi va Madrid klubi futbolchini keyingi mavsumda saqlab qolishni istamasligi haqida mish-mishlar tarqaldi.
“Yuventus” vaziyatdan unumli foydalanish niyatida. Todofichajes xabariga ko‘ra, Turin klubi kelasi yil uchun Vaskes bilan shartnoma imzolashni rejalashtirgan. Qayd etilishicha, “keksa sinyora” futbolchiga avvalroq qiziqish bildirgan.
Eslatib o‘tamiz, nufuzli Transfermarkt portali mutaxassislari Lukas Vaskesni 8 million yevroga baholamoqda.