«Korintians»ning 18 yoshli yarim himoyachisi Gabriel Moskardo faoliyatini «Barselona»da davom ettirishi mumkin.

Diario Sport xabariga ko‘ra, Kataloniya klubi yaqin oylarda Moskardoni qo‘lga kiritish uchun bor kuchini sarflaydi.

Manbaga ko‘ra, «Barselona» moliyaviy muammolar tufayli yarim himoyachi uchun kurashda raqiblaridan oldinga o‘tish qiyin bo‘lishini tushunadi.

Qayd etilishicha, «Korintians» Moskardoning transferidan yaxshigina pul ishlab olish niyatida.

Eslatib o‘tamiz, o‘tgan yozda braziliyaliklar o‘z futbolchisini 21 million yevro evaziga «Chelsi»ga sotishdan bosh tortgan edi.