Chempionlar ligasi guruh bosqichining ikkinchi turida "Real Madrid" mehmonda "Napoli"ni mag‘lub etdi va shu tariqa Toni Kroos yubileyini munosib nishonladi - u "Real Madrid" tarkibida Yevropa futbolidagi eng nufuzli klub turniridagi yuzinchi o‘yinini o‘tkazdi.
Kroos nemis bo‘lmagan klub tarkibida shunday marraga erishgan birinchi nemis futbolchisi bo‘ldi. U 2014 yilda, Braziliya Mundialida Germaniya terma jamoasi bilan jahon chempioni bo‘lganidan so‘ng darhol "Bavariya"dan "Real Madrid"ga o‘tdi.
Keyingi turda madridliklar Portugaliyada "Braga"ga qarshi o‘yin o‘tkazadi.