Чемпионлар лигаси гуруҳ босқичининг иккинчи турида "Реал Мадрид" меҳмонда "Наполи"ни мағлуб этди ва шу тариқа Тони Кроос юбилейини муносиб нишонлади - у "Реал Мадрид" таркибида Европа футболидаги энг нуфузли клуб турниридаги юзинчи ўйинини ўтказди.
Кроос немис бўлмаган клуб таркибида шундай маррага эришган биринчи немис футболчиси бўлди. У 2014 йилда, Бразилия Мундиалида Германия терма жамоаси билан жаҳон чемпиони бўлганидан сўнг дарҳол "Бавария"дан "Реал Мадрид"га ўтди.
Кейинги турда мадридликлар Португалияда "Брага"га қарши ўйин ўтказади.
