Leroy Sane mavsum oxirida La Ligaga o‘tishi mumkin.
Futbolchining "Bavariya" bilan shartnomasi 2025 yilgacha amal qiladi. Kelasi yozda vinger shartnomani uzaytirish yoki boshqa mamlakat klubiga o‘tish haqida qaror qabul qiladi, deb xabar beradi Bild.
27 yoshli futbolchiga "Real" va "Barselona" klublari qiziqish bildirmoqda. Sane hali Myunxen klubi vakillari bilan kelajagi masalasini muhokama qilmagan.
Leroy "Bavariya"da 2020 yildan buyon o‘ynab kelmoqda. Bundesliganing joriy mavsumida u 6 ta o‘yin o‘tkazib, 5 ta gol urdi.