"PSJ" himoyachisi Luka Ernandes jamoasining "Nyukasl"dan uchralgan mag‘lubiyatidan (1:4) so‘ng jurnalistlar bilan suhbatlashdi.
“Yo‘lga qaytish uchun xatolarimizdan saboq olishimiz kerak. Hammamiz shu klubda bo‘lganimizda nima qilishimiz kerakligini tushunamiz va buni kamera, mikrofonlar oldida emas, balki maydonda isbotlashimiz kerak.
Bu o‘yinni imkon qadar tezroq unutishimiz kerak. Raqib maydon o‘rtasida bizga qiyinchilik tug‘dirdi, biz o‘zimizni og‘ir his qildik. Bizning individual xatolarimiz ta’sir qildi", - dedi Ernandes.
