"Nyukasl" yarim himoyachisi Sandro Tonali jamoa Chempionlar ligasi guruh bosqichining 2-tur uchrashuvida "PSJ" ustidan qozonilgan g‘alabadan (4:1) faxrlanishi kerak, deb hisoblaydi.
“Bu ajoyib bo‘ldi, chunki biz o‘yinni o‘zimiz xohlagandek boshladik va aynan shunday tayyorgarlik ko‘rdik. Tanaffusga 2:0 hisobida chiqqanimiz bizga yanada kuch bag‘ishladi. Biz shunday birinchi bo‘limdan keyin tanaffusga chiqish sur’atni pasaytirishi mumkinligini yaxshi bilardik, ammo, aksincha, maydonga tushdik va darhol uchinchi golni kiritdik", - deya Tonalining so‘zlarini keltiradi Football Italia.
