Turinning “Yuventus” klubi yarim himoyachisi Pol Pogba yaqin orada klubsiz qolishi mumkin. Jurnalist Nikola Balisning xabariga ko‘ra, agar fransuz futbolchisi doping iste’mol qilgani uchun diskvalifikasiya qilinsa, "keksa sinyora" shartnomani bekor qilish variantini ko‘rib chiqadi.
Eslatib o‘tamiz, yaqinda Pogbaning qonida doping aniqlangan edi. Fransuz test natijalariga rozi bo‘lmadi va ikkinchi sinovdan o‘tdi. Agar natija bir xil bo‘lsa, yarim himoyachi uzoq muddatli diskvalifikasiyaga duch keladi.
Pogba o‘tgan yozda erkin agent sifatida "Yuventus"ga o‘tgandi. O‘shandan beri futbolchi Italiya A seriyasida bor yo‘g‘i 8 ta o‘yinda maydonga tushdi va turli jarohatlar tufayli uzoq vaqtni o‘tkazib yubordi.
