Туриннинг “Ювентус” клуби ярим ҳимоячиси Поль Погба яқин орада клубсиз қолиши мумкин. Журналист Никола Балиснинг хабарига кўра, агар француз футболчиси допинг истеъмол қилгани учун дисквалификация қилинса, "кекса синьора" шартномани бекор қилиш вариантини кўриб чиқади.
Эслатиб ўтамиз, яқинда Погбанинг қонида допинг аниқланган эди. Француз тест натижаларига рози бўлмади ва иккинчи синовдан ўтди. Агар натижа бир хил бўлса, ярим ҳимоячи узоқ муддатли дисквалификацияга дуч келади.
Погба ўтган ёзда эркин агент сифатида "Ювентус"га ўтганди. Ўшандан бери футболчи Италия А сериясида бор йўғи 8 та ўйинда майдонга тушди ва турли жароҳатлар туфайли узоқ вақтни ўтказиб юборди.
