Londonning «Brentford» klubi hujumchisi Ivan Touni qishda jamoasini tark etishga tayyor. 

Football Insider xabariga ko‘ra, hujumchi yanvar oyidagi transfer oynasida ketmoqchi.

Eslatib o‘tamiz, Touni futbolga pul tikkani sababli diskvalifikasiya tufayli yanvargacha o‘ynay olmaydi.

Shunga qaramay, hujumchining xizmatlariga Premyer-liganing bir qator top-klublari qiziqish bildirmoqda.

Angliyalik futbolchi uchun eng real variant Londonning ikki klubi - «Chelsi» va «Tottenxem»dir.

O‘tgan mavsumda Touni Angliya premyer-ligasida 20 ta gol urdi. «Brentford» hujumchi uchun 70 million yevroga yaqin tovon puli talab qiladi.