Dortmundning «Borussiya» klubi darvozaboni Gregor Kobel jamoasi bilan shartnomasini uzaytirishga yaqin turibdi.
Insayder Florian Plettenbergning so‘zlariga ko‘ra, tomonlar kelishuvning barcha shartlari bo‘yicha to‘liq kelishib olgan.
Kobel 2028 yilgacha shartnoma imzolaydi va jamoaning eng ko‘p maosh oluvchi futbolchilaridan biriga aylanadi. Gregorning yangi shartnomasida sport direktori Sebastyan Kel katta rol o‘ynadi.
Eslatib o‘tamiz, Kobelga avvalroq Angliya premyer-ligasining bir qator klublari, jumladan, «Chelsi» va «Manchester Yunayted» ham qiziqish bildirayotgan edi.
Darvozabonni «Bavariya» bilan ham bog‘lashdi, ammo o‘tgan yozda Gregor «Borussiya Dortmund»da qoldi.