Дортмунднинг «Боруссия» клуби дарвозабони Грегор Кобель жамоаси билан шартномасини узайтиришга яқин турибди.
Инсайдер Флориан Плеттенбергнинг сўзларига кўра, томонлар келишувнинг барча шартлари бўйича тўлиқ келишиб олган.
Кобель 2028 йилгача шартнома имзолайди ва жамоанинг энг кўп маош олувчи футболчиларидан бирига айланади. Грегорнинг янги шартномасида спорт директори Себастьян Кель катта роль ўйнади.
Эслатиб ўтамиз, Кобелга аввалроқ Англия премьер-лигасининг бир қатор клублари, жумладан, «Челси» ва «Манчестер Юнайтед» ҳам қизиқиш билдираётган эди.
Дарвозабонни «Бавария» билан ҳам боғлашди, аммо ўтган ёзда Грегор «Боруссия Дортмунд»да қолди.
