Qozog‘istonlik bokschi Kamshibek Kunkabayev Bahodir Jalolovga qarshi kechgan final jangidan so‘ng o‘z fikrlarini bildirdi.
«Qozog‘istonga «oltin» olib kelishga umid bor edi. Keyingi safar yanada ko‘proq harakat qilamiz va Xudo xohlasa, Parijdagi Olimpiadada oltin uchun kurashamiz.
— Qaysi raundda Bahodirning charchaganini, tashabbusni o‘z qo‘lingizga olganingizni his qildingiz?
Ikkinchisida.
– Uch-to‘rtta yaxshi zarba berdingiz, buni Bahodir sezdi shekilli.
Men ringda bo‘lganman va voqealarning qanday bo‘lganini aytishning ma’nosi yo‘q. Qo‘lim ko‘tarilmadi. Xudo xoxlasa keyingi safar ikki karra ko‘proq harakat qilishimiz kerak. Bir ovozdan g‘alaba qozonishga harakat qilaman.
- Rostini ayting, bugungi jangdan mamnunmisiz?
- Albatta, bugungidan yaxshiroq jang qila olmasdim. Har qanday sportchi jangdan zavqlanishni biladi. Xudo xohlasa Parijda oltin yutaman, keyin hammaga yoqadi.
— Jangdan keyin Mirzagali Aytjonov sizga nima dedi?
U hammasi yaxshi va hurmat yuzasidan bo‘lganini aytdi. Har holda, ular keskin tanqid qilishmadi. Buni amallar bilan isbotlash uchun bor kuchimni sarflayman», – dedi qozoq bokschisi.
Eslatib o‘tamiz, Kunkabayev 0:4 hisobida mag‘lub bo‘lgandi.
