Chempionlar ligasi guruh bosqichining 2-turida «Milan» Dortmundda «Borussiya»ga qarshi o‘yinda bir necha imkoniyatlar bo‘lishiga qaramay, gol ura olmadi.

Birinchi bo‘limda ham katta imkoniyatni Olivye Jiru qo‘ldan boy berdi, u besh-olti metrdan darvozani aniq nishonga ola bilmadi.

Italiyalik sobiq futbolchi Luka Tonining fikricha, Jiru gol urishi kerak edi.

«Bunday vaziyatda markaziy hujumchi gol urishga majbur. Balki u o‘zini ofsaydda deb o‘ylagandir, lekin gol urishi kerak edi.

Bu gol butun uchrashuvni o‘zgartirishi mumkin edi», - deya Tonining so‘zlarini keltirmoqda pianetamilan.it.

Jiru 2021 yildan beri «Milan»da o‘ynab kelmoqda.