Turkiyaning “Fenerbaxche” klubi joriy futbol mavsumi boshida o‘tkazilgan 15 rasmiy o‘yinning barchasida g‘alaba qozondi.
UEFA konferensiyalar ligasida Ismoil Kartal shogirdlari saralash bosqichi va guruh bosqichini hisobga olgan holda sakkizta g‘alabaga erishdi. Turkiya chempionati turnir jadvalida “sariq kanareykalar” yetti turdan keyin 21 ochko bilan birinchi o‘rinda bormoqda.
Oxirgi yevrokubok o‘yinida “Fenerbaxche” safarda Trnavaning “Spartak” jamoasi ustidan 2:1 hisobida g‘alaba qozondi. G‘oliblar safida Joshua King dubl qayd etdi.
