Myunxenning «Bavariya» klubi markaziy himoyachi Jerom Boatengni sotib olmaslikka qaror qildi.

Jurnalist Kristian Falk bergan ma’lumotlarga ko‘ra, Jerom futbolchi sifatida jamoaga qaytmaydi.

Eslatib o‘tamiz, so‘nggi kunlarda Boateng «Bavariya» bilan mashg‘ulot o‘tkazgan va qisqa muddatli shartnoma olishga umid qilgandi.

Myunxen klubi himoya markazida kadrlar bilan bog‘liq muammolar bor edi, shu bois rahbariyat avvalroq «Bavariya»da 10 yil o‘ynagan himoyachi nomzodini jiddiy ko‘rib chiqdi.

Boateng yozda Fransiyaning «Lion» klubini tark etganidan so‘ng bir necha hafta davomida erkin agent bo‘lib qoldi.