Мюнхеннинг «Бавария» клуби марказий ҳимоячи Жером Боатенгни сотиб олмасликка қарор қилди.
Журналист Кристиан Фалк берган маълумотларга кўра, Жером футболчи сифатида жамоага қайтмайди.
Эслатиб ўтамиз, сўнгги кунларда Боатенг «Бавария» билан машғулот ўтказган ва қисқа муддатли шартнома олишга умид қилганди.
Мюнхен клуби ҳимоя марказида кадрлар билан боғлиқ муаммолар бор эди, шу боис раҳбарият аввалроқ «Бавария»да 10 йил ўйнаган ҳимоячи номзодини жиддий кўриб чиқди.
Боатенг ёзда Франциянинг «Лион» клубини тарк этганидан сўнг бир неча ҳафта давомида эркин агент бўлиб қолди.
