«Manchester Siti» hujumchisi Erling Xolandning fikricha, muxlislar uning muntazam ravishda gol urishiga o‘rganib qolishgan va u gol urmaganida hayron qolishadi.
«Hamma mening gollarimga o‘rganib qolganmi? Bu to‘g‘ri va bu ijobiy narsa: odamlar men gol urmaganimda ko‘proq hayratda qolishadi.
Men gol urmasam, Norvegiya OAV «Gol yo‘q!» kabi sarlavhalar bilan xabarlar chop etishadi. Bu haqiqat.
Lekin men hech narsadan nolimayman, chunki men «Manchester Siti» bilan aynan gol urish uchun shartnoma imzolaganman. Bu kutilgan edi. Men hamon raqib darvozasiga muntazam zarba beradigan odamman», — deya Xolandning so‘zlarini keltiradi The Telegraph.
Joriy mavsumda Xoland «Siti» safida barcha turnirlarda 11 ta o‘yinda maydonga tushib, 8 ta gol urdi va 2 ta golli uzatmani amalga oshirdi.
