"Yuventus" yarim himoyachisi Pol Pogbaning testosteron darajasi yana ijobiy chiqdi, deya xabar beradi jurnalist Nikolo Skira.
30 yoshli fransiyalik futbolchining himoya hisobotini taqdim etishi uchun endi yetti kun bor. U yaqin haftalarda so‘roq qilinadi.
11 sentyabr kuni Italiya A seriyasining 1-turi doirasidagi “Udineze”ga qarshi o‘yindan so‘ng (3:0) Pogbaning doping-testi ijobiy chiqqani ma’lum bo‘ldi. Futbolchining tanasida testosteron moddasining ortib ketgani aniqlangan va u normadan sezilarli darajada farq qiladi.
Pogba uzoq muddatga diskvalifikasiya qilinishi mumkin. Oldinroq turinliklar yarim himoyachi bilan shartnomani bekor qilishi mumkinligi haqida xabarlar tarqalgan edi.