"Ювентус" ярим ҳимоячиси Поль Погбанинг тестостерон даражаси яна ижобий чиқди, дея хабар беради журналист Николо Скира.
30 ёшли франциялик футболчининг ҳимоя ҳисоботини тақдим этиши учун энди етти кун бор. У яқин ҳафталарда сўроқ қилинади.
11 сентябрь куни Италия А сериясининг 1-тури доирасидаги “Удинезе”га қарши ўйиндан сўнг (3:0) Погбанинг допинг-тести ижобий чиққани маълум бўлди. Футболчининг танасида тестостерон моддасининг ортиб кетгани аниқланган ва у нормадан сезиларли даражада фарқ қилади.
Погба узоқ муддатга дисквалификация қилиниши мумкин. Олдинроқ туринликлар ярим ҳимоячи билан шартномани бекор қилиши мумкинлиги ҳақида хабарлар тарқалган эди.