«Manchester Yunayted» vingeri Jeydon Sancho yana Dortmundning «Borussiya»sida o‘ynashni istaydi.
Ingliz futbolchisi Erik ten Xag bilan ziddiyat va kechirim so‘rashdan bosh tortgani uchun «qizil iblislar»ning asosiy jamoasidan chetlatildi.
Ko‘plab mish-mishlarga ko‘ra, Sancho yanvardayoq klubini o‘zgartirishi mumkin va futbolchiga asosiy da’vogar uning sobiq jamoasi Dortmundning «Borussiya»si hisoblanadi.
90min ma’lumotlariga ko‘ra, Jeydonning o‘zi qishki transfer oynasi ochilganda «asalarilar» safiga qo‘shilishni xohlaydi.
Eslatib o‘tamiz, dortmundliklar futbolchini sotib olish sharti bilan ijaraga olish haqida o‘ylashmoqda.
Sancho 2017 yildan 2021 yilgacha «Borussiya»da o‘ynagan, shundan so‘ng 80 million yevro evaziga «Manchester Yunayted»ga o‘tgan.
