«Манчестер Юнайтед» вингери Жейдон Санчо яна Дортмунднинг «Боруссия»сида ўйнашни истайди.
Инглиз футболчиси Эрик тен Хаг билан зиддият ва кечирим сўрашдан бош тортгани учун «қизил иблислар»нинг асосий жамоасидан четлатилди.
Кўплаб миш-мишларга кўра, Санчо январдаёқ клубини ўзгартириши мумкин ва футболчига асосий даъвогар унинг собиқ жамоаси Дортмунднинг «Боруссия»си ҳисобланади.
90min маълумотларига кўра, Жейдоннинг ўзи қишки трансфер ойнаси очилганда «асаларилар» сафига қўшилишни хоҳлайди.
Эслатиб ўтамиз, дортмундликлар футболчини сотиб олиш шарти билан ижарага олиш ҳақида ўйлашмоқда.
Санчо 2017 йилдан 2021 йилгача «Боруссия»да ўйнаган, шундан сўнг 80 миллион евро эвазига «Манчестер Юнайтед»га ўтган.
