Superliga 21-turidan o‘rin olgan “Bunyodkor” – “Qizilqum” (2:2) uchrashuvidan so‘ng mehmonlar bosh murabbiyi Jamshid Saidov o‘z fikrlarini bildirib o‘tdi.

“Uchrashuv ajoyib tarzda kechdi. G‘alabani qo‘ldan chiqardik, deb hisoblayman. “Bunyodkor” qanday harakat qilishini bilar edik. Hisobda oldinda bordik, afsuski, g‘alati gollar o‘tkazib yubordik.

Dastlabki taymda qarshi hujumda o‘ynadik. Ikkinchi bo‘limda esa raqib oldinga o‘tishini bilgan edik. Balki, o‘tkazib yuborilgan dastlabki golimizda qoida buzilmagandir. Ikkinchi golda esa ketma-ket xatolar kuzatildi. Mezbonlarda u qadar ko‘p vaziyat bo‘lmadi. Tashabbus bizda edi. Afsuski, 2 ochko yo‘qotdik.

Darvozabonni ayblamagan bo‘lardim. Xato barchada uchraydi. U vaziyatda ko‘plab xatoliklar kuzatildi”, – dedi Saidov.