"Barselona"ning sobiq vingeri Isaak Kuenka butsalarini mixga ilishga qaror qildi.
Ispaniyalik futbolchi jarohati tufayli professional faoliyatini yakunlaganini ma’lum qildi - so‘nggi yillarda "ko‘k-anorranglilar" tarbiyalanuvchisi tizzasini davolay olmagani uchun maydonga tushmadi, deb xabar beradi Diario Sport. Kuenkaning so‘nggi klubi Yaponiyaning "Vegalta Senday" edi.
Avvalroq futbolchi “Sagan Tosu” (Yaponiya), “Hapoyel Beer-SHeva” (Isroil), “Granada” (Ispaniya), “Bursaspor” (Turkiya), “Deportivo” (Ispaniya) va “Ayaks” (Gollandiya) klublarida to‘p tepgan. Kuenka 2010 yildan 2014 yilgacha "Barselona"ga tegishli bo‘lib, Kataloniya grandining asosiy jamoasida 30 o‘yinda maydonga tushib, 4 ta gol va 12 ta golli uzatmani amalga oshirgan.