Huquqlari Londonning "Arsenal" klubiga tegishli bo‘lgan tayanch yarim himoyachi Jorjinyo Ispaniya chempionatining top-klubida faoliyatini davom ettirishi mumkin. Bu haqda Todofichajes jurnalistlari xabar bermoqda.
Manbaga ko‘ra, "Barselona" 31 yoshli italiyalikni yanvar oyida o‘z safiga qo‘shib olishga harakat qiladi. Yarim himoyachining transferi bilan shaxsan "ko‘k-anorranglilar" bosh murabbiyi Xavi Ernandes qiziqmoqda.
Jorjinyoning "kanonirlar" bilan shartnomasi kelasi yozda yakuniga yetadi. Londonliklar futbolchini keyingi yozda tekinga boy bermaslik uchun qishda sotishlari mumkin. Transfermarkt portali yarim himoyachining narxini 25 million yevroga baholamoqda.