Ҳуқуқлари Лондоннинг "Арсенал" клубига тегишли бўлган таянч ярим ҳимоячи Жоржиньо Испания чемпионатининг топ-клубида фаолиятини давом эттириши мумкин. Бу ҳақда Todofichajes журналистлари хабар бермоқда.
Манбага кўра, "Барселона" 31 ёшли италияликни январь ойида ўз сафига қўшиб олишга ҳаракат қилади. Ярим ҳимоячининг трансфери билан шахсан "кўк-анорранглилар" бош мураббийи Хави Эрнандес қизиқмоқда.
Жоржиньонинг "канонирлар" билан шартномаси келаси ёзда якунига етади. Лондонликлар футболчини кейинги ёзда текинга бой бермаслик учун қишда сотишлари мумкин. Transfermarkt портали ярим ҳимоячининг нархини 25 миллион еврога баҳоламоқда.
