"Manchester Yunayted" bosh murabbiyi Erik ten Xag inqirozdan qanday chiqishni rejalashtirayotgani haqida gapirdi.
Eslatib o‘tamiz, mankunianliklar oktyabr oyi boshiga qadar barcha turnirlarda 6 ta mag‘lubiyatga uchragan edi.
"Inqirozmi? Bu menga ko‘proq energiya beradi. Muxlislar bizni qo‘llab-quvvatlamoqda, buni men his qilyapman. Ishonchim komilki, bizning futbolchilar ruhiy jihatdan juda kuchli bo‘la oladilar”, - dedi Ten Xag matbuot anjumanida.
Eslatib o‘tamiz, so‘nggi o‘yinda “Manchester Yunayted” Chempionlar ligasi guruh bosqichi 2-turida “Galatasaroy”ga imkoniyatni boy bergandi (2:3). Erik ten Xag shogirdlari navbatdagi o‘yinini Premyer-ligada "Brentford"ga qarshi o‘tkazadi.
