Alfonso Devis kelasi yili «Real»ga o‘tishi mumkin.

Madrid klubi shartnoma muddati 2025 yilda tugaydigan futbolchi uchun «Bavariya»ga murojaat qiladi. «Real» uni 2024 yilda sotib olmoqchi.

Qayd etilishicha, Karlo Anchelotti Devisni yaxshi ko‘radi - murabbiy mavsum oxirida klubda qolishini istisno etmayapti, garchi uning amaldagi shartnomasi yozgacha amal qiladi va Braziliya terma jamoasiga tayinlanishi kafolatlangan deb hisoblanmoqda.

Madridliklar chap qanot zonasi uchun ham himoyada, ham hujumda o‘ynay oladigan o‘yinchi bilan shartnoma imzolamoqchi va Devis bozorda eng yaxshi variant hisoblanadi.

AS xabariga ko‘ra, kelasi yozda «Real» kanadalik futbolchini eng yaxshi narxda sotib olib, Ferlan Mendini boshqa klubga qo‘yib yubormoqchi.

Devis ispan klubining qiziqishidan xabardor, ammo hozir bor e’tiborini mavsumni muvaffaqiyatli o‘tkazishga qaratgan.