Madridning “Real” klubi “Benfika” yarim himoyachisi Joau Neveshni sotib olish imkoniyatini ko‘rib chiqmoqda.
19 yoshli futbolchi joriy mavsumda muntazam ravishda maydonga tushmoqda. Insayder Ekrem Konurning so‘zlariga ko‘ra, "Real Madrid" tayanch yarim himoyachining rivojlanishini diqqat bilan kuzatib bormoqda, uning skautlari allaqachon portugaliyalikning o‘yinini o‘rganishmoqda. Transfermarkt ekspertlari futbolchining narxini 20 million yevroga baholamoqda.
Joau Nevesh joriy mavsumda “Benfika”ning 11 ta o‘yinida qatnashib, bitta golli uzatmani amalga oshirgan. Yosh yarim himoyachi Portugaliya yoshlar terma jamoasi safida olti marta maydonga tushib, bitta gol urdi.