Мадриднинг “Реал” клуби “Бенфика” ярим ҳимоячиси Жоау Невешни сотиб олиш имкониятини кўриб чиқмоқда.
19 ёшли футболчи жорий мавсумда мунтазам равишда майдонга тушмоқда. Инсайдер Экрем Конурнинг сўзларига кўра, "Реал Мадрид" таянч ярим ҳимоячининг ривожланишини диққат билан кузатиб бормоқда, унинг скаутлари аллақачон португалияликнинг ўйинини ўрганишмоқда. Transfermarkt экспертлари футболчининг нархини 20 миллион еврога баҳоламоқда.
Жоау Невеш жорий мавсумда “Бенфика”нинг 11 та ўйинида қатнашиб, битта голли узатмани амалга оширган. Ёш ярим ҳимоячи Португалия ёшлар терма жамоаси сафида олти марта майдонга тушиб, битта гол урди.