"Vest Xem" vingeri Jarrod Bouen klub bilan shartnomasini uzaytirishga tayyor.

26 yoshli futbolchiga so‘nggi paytlarda bir qancha top-klublar qiziqish bildirmoqda, "Liverpul" angliyalik futbolchiga asosiy da’vogar sifatida ko‘rilmoqda. Insayder Fabrisio Romanoning so‘zlariga ko‘ra, "Vest Xem" o‘z yulduzi bilan yangi uzoq muddatli shartnoma borasida kelishib olishga muvaffaq bo‘ldi. Futbolchi allaqachon "bolg‘achilar" rahbariyatiga ijobiy javob bergan.

Jarrod Bouenning "Vest Xem" bilan amaldagi shartnomasi 2025 yilgacha mo‘ljallangan. Joriy mavsumda Angliya terma jamoasiga oktyabr oyidagi o‘yinlarga taklif qilingan futbolchi David Moyes jamoasida sakkizta o‘yinda maydonga tushib, beshta gol urdi va ikkita golli uzatmani amalga oshirdi.