"Вест Хэм" вингери Жаррод Боуэн клуб билан шартномасини узайтиришга тайёр.
26 ёшли футболчига сўнгги пайтларда бир қанча топ-клублар қизиқиш билдирмоқда, "Ливерпуль" англиялик футболчига асосий даъвогар сифатида кўрилмоқда. Инсайдер Фабрицио Романонинг сўзларига кўра, "Вест Хэм" ўз юлдузи билан янги узоқ муддатли шартнома борасида келишиб олишга муваффақ бўлди. Футболчи аллақачон "болғачилар" раҳбариятига ижобий жавоб берган.
Жаррод Боуэннинг "Вест Хэм" билан амалдаги шартномаси 2025 йилгача мўлжалланган. Жорий мавсумда Англия терма жамоасига октябрь ойидаги ўйинларга таклиф қилинган футболчи Давид Мойес жамоасида саккизта ўйинда майдонга тушиб, бешта гол урди ва иккита голли узатмани амалга оширди.
