Germaniyaning «RB Leypsig» klubi futbolchisi bo‘lgan ispaniyalik yarim himoyachi Dani Olmo Italiya top-klubi qiziqishlari doirasiga tushgan.

Todofichajes xabariga ko‘ra, Turinning «Yuventus» klubi 25 yoshli futbolchi bilan shartnoma imzolamoqchi. «Keksa sinyora» Olmoni yozgi transferlar oynasi uchun maqsad qilib oldi.

Dani «buqalar» bilan 2027 yil iyun oyi oxirigacha shartnoma imzolagan. Transfermarkt ma’lumotlariga ko‘ra, uning narxi 40 million yevroni tashkil qiladi.

Germaniya chempionatining joriy mavsumida Olmo uchta o‘yin o‘tkazib, ikkita gol va bitta golli uzatmani amalga oshirdi.